خضعت الفنانة فيفي عبده مؤخرًا لعملية جراحية كبيرة إثر تعرضها لوعكة صحية شديدة، مؤكده أن الحسد زاد عن حده معها وأن قدمها أصبحت ثقيلة.
قالت فيفي عبده خلال مدتخلة صحفية باحد البرامج الحوارية : “أول مرة أقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة أكيد بس زاد عن حده معايا، مش عاوزة أضعف وأقول إني محسودة ومش عاوز العطف أنا دايما واقفة زي الأسد برقص ومبسوطة، مش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه”.
فيفي عبده تستغيث بعد تعرضها لوعكة صحية شديدة
أما عن الوعكة الصحية التي تعرضت لها، أضافت فيفي عبده: “الغضروف قفل على العصب ومبقاش يتحرك ورجلي بقت تقيلة جدًا، ربنا يتم شفايا على خير يارب لإن الصحة تاج ولو معاك مال الدنيا ومفيش صحة يبقى مش معاك أى حاجة”، وتابعت: ” مليون في المية معمول ليا عمل متحركش من السرير ولو أعرف مين اللي عمله ليا بقوله أبوس رجلك فكه حرام عليك أفضل في السرير وكل ما أقوم من حاجة ألاقي حاجة تانية”.
و كما تحدثت عن تفاصيل الوعكة التي تعرضت لها، قائلة: الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة تاج ولو مال الدنيا معاك ومفيش صحة يبقى أنت مش معاك حاجة.
وأضافت فيفي عبده: دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري، ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم.
تعب فيفي عبده
نشرت فيفي عبده عبر حسابها الموثق على إنستغرام، مقطع فيديو، ظهرت فيه وهي تخضع لتحليل طبي على الهواء مع جمهورها، بإبرة لسحب عينة دم.
وقالت فيفي عبده: “مساء الخير عليكم يا جماعة من مصر أم الدنيا، طبعا أنا كل خروجة عندي بقت بمشكلة، رجعت دلوقت وجالي هبوط وبعمل تحاليل”.
تدعو عليهم
وبشكل غير مباشر أوضحت فيفي عبده أن هناك بعض المتسببين في مرضها، والذين يقومون بالإضرار بها من خلال الحسد والأعمال السفلية التي تعرقل حياتها وتتسبب في تصعيب أمورها.
وأضافت فيفي عبده: “أنا حبيت أسجل لكم اللحظة، أنا كل يوم بتألم من المشاكل، ادعوا لي ربنا يؤذي المؤذي وربنا ينتقم من أي حد يفكر أنه يضايقني أو يعمل لي حاجة تعرقل لي حياتي، ربنا ينتقم منه آمين يا رب العالمين، حسبي الله ونعم الوكيل في اللي بيضرني عليك خلاص الحق يا رب”.
فيفي عبده والحسد
يذكر أن الفنانة فيفي عبده من أكثر الفنانات اللاتي يعتقدن في وجود العين والسحر والحسد، حيث أكدت في تصريحات مختلفة سابقة أنها تعرضت للإيذاء على يد أشخاص معينين حسدوها وبعضهم قام بعمل السحر لها.
وأضافت فيفي عبده في لقاء تليفزيوني سابق، أن حقائبها في المنزل مليئة بالأعمال السحرية التي وضعها بعض زوارها، لافتة إلى أنهم عطلوا كاميرات المراقبة في منزلها ليتمكنوا من عمل هذا الشيء.