هل نسب صدام يرجع فعلا للامام موسى الكاظم ؟

هل نسب صدام يرجع فعلا للامام موسى الكاظم ؟

كالت رغد للعدو بلكي العدو.. يسمحلي بوداعه

والموت ممكن ينتظر شوية ولو ساعة

ادري البطل مارضى اعرف انا اطباعه

مايضعف بسوح الوغى ماينزل اشراعه

لكن اريدن اوعده باعي ترى باعه

*****

ياحبل أرد اسألك السبع همن كَال؟
الشدّة حيل أوجعت وأتشمت العذال
وارد اسألك ياحبل السالب الارواح
عالجسد هم خففت لمن شنقته اوطاح؟
*****

ياحبل انت نذل وشكَد بلايا احساس
موهاي هيا المرجلة ؟ تنتخي بارذل ناس

عل الجثة ركَصوا هلهلوا الفرس هالانجاس
الشرب خميني جرعته بالسم ترسله الكاس
صدام يا عز العرب صدام تاج الراس
*****

كَال الحبل مو نذل لكني بيد انذال
لو جان خاواني الوكت التف واصير اعكَال
وكَال الحبل ما شلت.. زلمة رفعت اجبال
وجان الوجه مبتسم والبؤس عالانذال

*****

وجان الصكَر منتشي ومعطر اثيابه
سبعين عام انَكَضن وبأول اشبابه *
صدام علمنا نحب الموت….. منهابه
مو هو صاعد للسما ويلاكي احبابه
وأشّاهد لخالقه وموّتر اسبابه
وصانا لازم ننتبه للعدو واذنابه
لينام من ينغدر جيرانه طلابه
العلوج لازم تنمرد وبلايه حسابه
*****

وكَال الحبل مورجل أنبوخذ النصر
العدو شو منه انهزم من موتته اتحسر
للموت مقبل هالوجه ما شفته ابدا فر
وجلاده واكَف يرتجف عالمقصلة اتسمر
عالوجه لبسو اقنعة والجلد شو مصفر
عالركبة من اطبقت كَال النصر حدر
يازلمة ؟ هيجي سبع ماخر ولا أدبر؟؟!!
*****

وكَال البطل مرتحل للجنة وأولادي

للعرب أفدي مهجتي للوطن وأبلادي
ونضحي لابناء العرب بالنسق وأفرادي

والقدس يامسرى النبي ومرادها مرادي

والوحدة عنوان العرب والدم لها امدادي
من الموت مانجزع ابد الموت شي عادي
والصولة كَربت تنحسم وأطرادها أطرادي
والجبل لازم ينغسل والهور والوادي
للفرس لانغمض جفن عدّو لها أعدادي
******

وصاح الجلب م…! صاح الاسد… الله
ماشفت من مثله بطل مسمعت منه.. أحاه
بس شفت بعيونه العتب والاه… والويلاه
******

اسماعيل هاليوم انفدى بالكبش من ربه **
ابراهيم جده ومرجعه من اله من صلبه
للموت خلانا نحب صدام من حبه
********

مو صدفة شنقوه بالعيد ردوا علينا الثار
اليوم حررنا القدس صار العدو طشار ***
من بابل الجيش ازحفت غسلت بقايا العار

حطموا هيكلهم واجت مرفوعة رايات الغار
والاسرى جبنا مجتفة وجنود بيها واحبار
*****

اوصانا بالقبلة القدس قال اليهود انذال
من غزة للضفة ازحفوا صيروا معاني ارجال
وبساحة المرجلة.. اوتاد صيروا اجبال
لاتبخلون النفس وبالولد لا بالمال
ابشارة نصر قربت هالجاي حسن الفال
*****

او بكَلوب صلبة زامطت امريكا مهدومة
والذنب لازم ينكَطع والفرس مهزومة
والوطن يرجع مبتهج من تسكت الحومة
*****

بمأتمك ما ننتحب صدام زفيناك
والله لنذوكَه الزهر البوش من عاداك
للمرجلة تزف الزلم الله هالخلاك
*********

يابو رغد تدري الاسف صاير على الالسن

والندم عنوان الصحف والعيد ظل محزن

يوم النحر شفنا السبع صدامنا المؤمن

من يوم غادرت الارض التاريخ مطمن

******

ياحبل لازم تعتذر او عذرك ترى انقبله
لازم توّفي ديتك الشعبة ولاهله
وديتنا تلتف عكَتدك عاركاب هالملة

*عمر صدام سبعون عاما

**يوم اعدام صدام هو يوم فداء الخلق جده النبي اسماعيل ع بالكبش عندما اراد ابوه اباهيم ع نحره

***كان يوم اعدام حبيب الامة يوم دخول نبوخذ نصر القدس وتحطيم هيكل اليهود وجلب اليهود واحبارهم اسرى الى بابل وهو اخر يوم من ايام الصوم العشرة التي نذروا بها اليهود للثار من بابل

****طول الحبل 39 قدم بناءا على امر الامريكان وهو عدد الصواريخ التي رمى بها صدام حسين من الصواريخ على الكيان الصهيوني

يستذكر العراقيون اليوم اعدام صدام حسين من قبل الامريكان الذي صادف ليلة راس السنة وميلاد عيسى بن مريم ع حسب الكنيسة النسطورية وعرفات حسب الدين الاسلامي وتحطيم هيكل سليمان من قبل العراقي نبوخذ نصر حسب الديانة اليهودية

وقد بلغ البحث عنه32 مليونا و700 الف بحث في غوغل اليوم الخميس

ولد صدام بن حسين بن مجيدَ بن عبدَ الغفور بن سليمان بن عبدَ القادر بن السيد الأمير عمر الثاني أمير تكريت، ابن السيد بكر بن السيد الأمير عمر الأول، ابن السيد الأمير شبيب ابن السيد الأمير حسن بن السيد الأمير علي، ابن السيد الأمير حسن، ابن السيد الأمير ناصر الدين العراقي- أمير البصرة وأمير قبائل عبادة، يمتد انتشارها من العراق وحتى الشام – ابن السيد حسين العراقي، ابن السيد إبراهيم العربي، ابن السيد محمود، ابن السيد عبد الرحمن شمس الدين، ابن السيد عبد الله قاسم نجم الدين المبارك، ابن السيد محمد خزام السليم، ابن السيد شمس الدين عبد الكريم أبي محمد الواسطي، ابن السيد صالح عبد الرزاق، ابن شمس الدين محمد، ابن السيد صدر الدين علي، ابن السيد أبي علي أحمد عز الدين الصياد، ابن سيدنا القطب السيد عبد الرحيم ممهد الدولة، ابن السيد سيف الدين عثمان ، ابن السيد حسين، ابن السيد محمد عسلة، ابن السيد حازم علي أبو الفوارس، ابن السيد أحمد، ابن السيد علي، ابن السيد رفاعه الحسن المكي نزيل المغرب، ابن السيد المهدي، ابن السيد أبي القاسم محمد، ابن السيد الحسن القاسم، ابن السيد الحسين، ابن السيد أحمد الأكبر، ابن السيد موسى الثاني، ابن الإمام إبراهيم المرتضى، ابن الإمام موسى الكاظم، ابن الإمام جعفر الصادق، ابن الإمام محمد الباقر، ابن الإمام علي زين العابدين، ابن الإمام الحسين الشهيد، ابن أمير المؤمنين علي بن أبي طالب في قرية العوجة التي تبعد 23 كم عن مدينة تكريت الواقعة شمال غرب بغداد والتابعة لمحافظة صلاح الدين، لعائلة تمتهن الزراعة. توفي والده قبل ولادته بستة أشهر وتعددت الأقاويل التي فسرت سبب وفاته ما بين وفاة لأسباب طبيعية أو مقتله على أيدي قطاع الطرق. بعدها بفترة قصيرة توفي الأخ الأكبر لصدام وهو في الثالثة عشرة بعد إصابته بالسرطان.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.